بلاحب بلا بيطخ .. بستانس بحياتي

ودي اروح حق كل وحدة ووحده اقولهم شيء واحد

استانسوا بعمركم لاحقين على هالخرابيط

امس كنت طالع مع مجموعة من الاصدقاء العجيبين الافنيوز

احب هالمجمع وايد

كل ايام عمري اللي رحت لها بصوب واللي امس رحت له يصوب قمة المصخرة

يمكن في بعض المناظر تعودنا عليها

لـــكـــن

بنات اعمارهم مابين 14 الى १६

لبس يخرع + الصوت العالي + الفصاعة وقلة الادب + وغيرها من الاشياء اللي لوعت جبدي

وقفوا الافنيوز كله على ريل وحدة ,, والله عفسونا

هذا يلحقها وهذا يكلمها , لوووووووية !!!

لكن ما الوم البنات ,و ولا الوم الشباب ,,

الوم هالكبتات اللي بالبيت

الام + الاب !!!!

وينكم عن بناتكم ؟!

وينكم ماشتفوهم شنو لابسين ؟!

وينكم ماعرفتوا منو ربعهم ؟!
يمكن بعض الاباء يتحججون انه الولد او البنت كبروا ويعرفون مصلحتهم

يعرفون مصلحتهم لما ترزعون فيهم القيم والمبادئ الصح وتربونهم صح !!!

الزواج ,,

مملكة الزواج متعة ومسؤولية اذا انتوا مو قد العيال لا تيبونهم وتهدونهم بالشارع ويفسدون ونقعد احنا نبتلش فيهم

ابـي اوجه رسالة حق كل بنت وشاب,,
حبايبي ,, لاحقين على سوالف الحب ,, لاحقين على نار الحب انتوا صغار حتى لو عمركم 20 انتوا صغار,, الحب شيء كبير الحب مو مواعد وطلعات وشقق الحب مو قعدة على البحر وقرقرة بالتلفون الحب زواج ,, الحب الصجي لما بين اهلك وربعك وتفتخر وتقول هذه زوجتي الحب لما الله سبحانه وتعالى يبارك لك بزوجتك / زوجك ويجعلج كبيره واجمل الجميلات بعينه

الحب انك تشيل زوجتك لاطاحت وتوقفين يم زوجج لما يتعب هذا الحب الصجي ,,
غيـره !!

حــب شوارع

الى كل بنت وولد استمتعوا بحياتكم ,, بلاحب بلا خرابيط تبي تحب , تزوج ,, تبين تحبين , ادعي الله يرزقج بولد الحلال اللي يحبج

جم واحد ووحدة فيكم الحين تعابه من هالسوالف انتوا اقوى ,

ماتحتاجون لا حبيب ولا غيره روحوا بهالدنيا تمتعوا فيها حققوا احلامكم اسعوا بهالدنيا , ارضوا ربكم , اسعدوا اهلكم صونوا نفسكم